Trajneri i Kamerunit, Rigobert Song, mori sot nje vendim te rendesishem dhe drastik qe ka bere jehone kudo, duke lënë në bankën rezervë Andre Onana-n, në ndeshjen ‘jetë a vdekje’ për kameruansit në duelin ndaj Gambias në Kupën e Kombeve të Afrikës.
Onana ka fluturuar direkt nga Mançesteri në drejtim të Kupës së Kombeve të Afrikës, me Kamerunin që kishte porositur një avion privat për ta marrë atë, por Onana megjithatë kishte munguar në ndeshjen e parë të këtij kompeticioni, dhe kishte mbetur mjaft i nervozuar që nuk kishte arritur në kohë për të luajtur. Onana e kishte shpjeguar se per shkak te logjistikes nuk ishte nisur ne kohe.
Ai kur firmosi me Manchester United tha se do te ishte ne dispozicion te klubit dhe se kishte mbyllur aventuren e tij te Kameruni por me pas ndryshoi mendje.
Kameruni barazoi 1-1 me Guinenan në atë ndeshje, dhe më pas u mposhtën me rezultat 3-1 ndaj Senegalit në ndeshjen e dytë, me Onanan që e nisi nga minuta e parë, por bëri një gabim që i kushtoi me gol ekipit të tij.
Onana është një portier me eksperiencë të madhe në nivel ndërkombëtar pasi që ka 37 paraqitje me Kamerunin.
Zëvendësimi i tij për ndeshjen e sotme është Fabrice Ondoa i cili ka 49 paraqitje, por në nivel klubi ai aktivizohet në radhët e Nimes Olympique, që bën gara në kategorinë e tretë të futbollit francez.
