Moment shumë i vështirë për Kuinsi Promes, ish-sulmuesi i Ajaksit të Amsterdamit. Anësori i Spartak Moskës kërkohet me ngulm nga drejtësia holandeze për trafik droge. Sipas mediave holandeze, gjykata e Amsterdamit bëri të ditur kërkesën e Prokurorisë, që Promes të dënohet me 9 vite burg.
TRAFIKIMI I KOKAINËS
Promes, një sulmues krahu në pronësi të Spartak Moskës, i dyshuar gjithashtu për tentativën e vrasjes së kushëririt të tij gjatë një feste në vitin 2020, u akuzua për importimin e 1361 kilogramëve kokainë.
PROMES MUNGON NË SEANCA
Promes nuk ishte i pranishëm në seancë. Avokatët e tij, Robert Malevicz dhe Sofie Hof, zunë vendin e tij, duke raportuar se 32-vjeçari mohon çdo përfshirje në trafikun e drogës.
PASAPORTA RUSE PËR TË SHMANGUAR EKSTRADIMIN
Për të shmangur dënimin, Promes po punon për të përfunduar procesin për marrjen e pasaportës ruse në mungesë të një urdhër ekstradimi nga Rusia në Holandë. Në këtë mënyrë, për sa kohë ai qëndron në Moskë, ai nuk mund të ndiqet penalisht nga sistemi i drejtësisë së vendit të tij.
PANORAMASPORT.AL
