Harry Kane (30 vjeç) është përshtatur mirë në sezonin e tij të parë te Bayern Munich.
Sulmuesi, i cili u largua nga Tottenham verën e kaluar për të luajtur në Ligën e Kampionëve dhe për të fituar tituj, tashmë ka shënuar 26 gola mes Bundesligës dhe Champions League. Megjithëse në Gjermani ka shumë ndjekës, në Angli disa nuk e shohin si shembull.
Ish-futbollisti i kombëtares angleze, Paul Parker, e kritikoi ashpër sulmuesin e bavarezëve.
Ndër të tjera ai e akuzon si egoist: “E vetmja gjë për të cilën interesohet është të thyejë rekordin e golave të Lewandowskit.
Kjo është e vetmja gjë që i intereson, më pas do të dëshirojë të kthehet në Premier League dhe të vendosë një tjetër rekord. Ai është shumë egoist”.
Parker, një ish-lojtar i Manchester United, përmendi rekordin e Robert Lewandowski me 41 gola në një sezon të Bundesligës. Megjithëse të gjithë e admirojnë Kane si person dhe si futbollist, ai nuk e ndan këtë afeksion: “Shikoni, të gjithë qeshin me të në Angli.
Njerëzit po flisnin për largimin e tij, sepse donte të fitonte trofe me Bayernin. Në fakt, me sa duket, nuk po fiton asgjë”.
Gjigantët bavarezë janë eliminuar nga Kupa e Gjermanisë dhe janë të dytët në Bundesligë: “Tashmë e kam thënë se Tottenhami do të ishte më mirë pa të”/
