Sulmuesi i Milanit, Rafael Leao rinovoi verën e shkuar kontratën edhe pse së fundmi ka thënë se largimi nga skuadra kuqezi nuk ka qenë kurrë një opsion. Ndër të tjera portugezi shprehet se i mungon Paolo Maldini, njeriu që e transferoi te Milan.
“Nuk kam menduar kurrë që të largohem nga Milan. E vërteta ështe se në fillim kisha disa vështirësi, sepse kur je pjesë e skuadrës e kupton që është ndryshe nga ajo që duket në televizion. Por, Maldini më ndihmoi shumë dhe dua ta përshëndes. Ai më telefonoi para se të mbërrija te Milan dhe unë nuk mund ta refuzoja. Më mungon, edhe pse herë pas herë më bërtiste. Por, kjo sepse ai ka një karakter shumë të fortë dhe ishte kërkues.
Rikthimi i Ibrahimoviç? Nuk ka ndryshuar, është njësoj si më parë. Do të doja që të kishim luajtur më shumë bashkë, është një person i mrekullueshëm. Drejtuesit bënë mirë që e rikthyen, me atë jemi gjithmonë si me një lojtar më shumë në fushë. Ibra ka një mentalitet të jashtëzakonshëm”, u shpreh Leao.
PANORAMASPORT.AL
