Çmimi “FIFA The Best” ngriti shumë polemika këtë vit, pasi i shkoi Leo Mesit, ndërkohë shumë persona prisnin që ky çmim do t’i shkonte Erling Haland.
Pas publikimit të votave, trajneri i Portugalisë, Roberto Martinez shpjegoi se gjatë votimit ishte bërë një gabim, teksa pikët më të larta ai i çoi për Marselo Brozoviç.
Sipas tij, nga këto vota janë marrë për bazë vetëm 6 muajt e para të vitit 2023, përfshirë dhe Botërorin e Katarit. Kjo ishte arsyeja përse Mesi fitoi përballë Haland.
“Tani kemi shumë vota, kemi shumë zgjedhje. Ne kemi lojtarin e FIFA-s, lojtarin më të mirë, i cili ka qenë atje gjatë gjithë sezonit. Hera e parë që kemi një Kupë Bote në dimër dhe votimi është i çuditshëm, sepse ishte vetëm për gjashtë muaj.
Për mua, çmimet individuale në futboll janë të vështira. Mendoj se lojtari individual përfaqëson atë që bëri skuadra. Po Brozoviç, Bernardo dhe lojtarët që ishin në finalen e Ligës së Kampionëve dhe që ishin të suksesshëm në trofetë vendas.
Por Brozoviç është një lojtar që përfaqëson një ide të lojës, që përfaqëson atë që po bën Kroacia. Por ishte një gabim, për periudhën në fjalë.
Dhe mendoj se nuk isha i vetmi që e bëra atë gabim, sepse kur shihni votat, mendoj se ka më shumë synim për të parë se çfarë ndodhi edhe në Kupën e Botës” tha Martinez për “A Bola”.
PANORAMASPORT.AL
