Merkato e Milanit në këtë janar mund të përfundojë me një goditje në mbrojtje, por gjithashtu t’i kushtojë vëmendje të ardhmes, veçanërisht në lidhje me largimet.
Në fakt, sipas asaj që raportojnë francezët e “Telefoot”, Rafa Leao do të ishte emri në krye të listës së dëshirave të drejtuesve të PSG-së për verën e ardhshme, kur klubi kampion francez me shumë gjasa do të duhet të merret me lamtumirën e Kilian, i cili duket i premtuar te Reali i Madridit.
Sulmuesi portugez, lexojmë, do të ishte informuar për interesin e parisienëve dhe gjithashtu do të ishte i hapur ndaj idesë për të dëgjuar propozimin e tyre, veçanërisht pasi personi që do të kryente operacionin do të ishte Luis Kampos, drejtor sportiv i klubit parisien që e solli te Lila në vitin 2018.
I forcuar nga një rinovim kontrate deri në vitin 2028 e nënshkruar vetëm verën e kaluar në të cilën është futur një klauzolë lirimi prej 175 milionë eurosh, “djalli” pret lëvizjet e para nga francezët.
PANORAMASPORT.AL
