Futbollisti i kombëtares së Zvicrës, Ardon Jashari, sonte ka treguar lojë të madhe në fanellën e Luzernit, duke kontribuar në fitoren e thellë me rezultat 3:0 ndaj Lausanne Ouchy.
Luzern kthehet me pikë të plota, ndërsa vendasit zhgënjejnë.
Shënues për fitoren e udhëtuesve janë: 30’ Klidje – 0:1. 34’ Jashari – 0:2. 63’ Dorn – 0:3.
Lavdrim Hajrullahu, Mërgim Qarri e Liridon Mulaj u paraqitën titullarë për Lausannen dhe Jashari për Luzernin.
Alban Ajdini në minutën e 58-të futet në vend të Qarrit e Kyeremateng zëvendësoi Mulajn e Valon Hamdiu në minutën e 74-të e ka ndërruar Akichin të Lausannen.
Jashari ka shënuar në minutën e 34-të e ka asistuar në golin e tretë në minutën e 63-të.
Jashari është zëvendësuar në minutën e 74-të.
Hamdiu është ndëshkuar me karton të verdhë pas një faulli në minutën e 90+2.
Luzern është në vend të pestë me 31 pikë e Lausanne Ouchy në të fundit (12-tin) me 14 sosh.
