Armando Sadiku vazhdon të shënojë në kampionatin indian të futbollit, duke qenë një nga golashënuesit më rezultativ në javët e para të këtij sezoni.
Sulmuesi shqiptar, sot ka shënuar golin e katërt të tij në vetëm 11 ndeshje të luajtura.
Në derbin e ndezur të Kalkutës mes Mohun Bagan dhe Ist Bengal, Sadiku ishte ai i cili vendosi baraspeshën në shifra, pasi miqtë kishin shënuar të parët që në minutën e tretë të ndeshjes.
Në minutën e 17, Sadiku mori një pasim nga krahu i djathtë dhe nuk gaboi me një kthesë të shpejtë, duke shënuar golin e barazimit, që ishte i katërti për të në këtë sezon.
Teilen:
