Çelsi vazhdon të jetë në një krizë rezultatesh, teksa “Blutë” kanë marrë një tjetër disfatë turpëruese, kësaj radhe në shtëpi nga Ullvërhemptoni me rezultatin 2-4.
Kjo ishte ndeshja e parë e Çelsit pas largimit të Brojës drejt Fulhemit, teksa problemet në sulm vazhdojnë të hasen te skuadra e Poçetinos.
Tashmë Europa duket larg për “Blutë”, të cilët shpresojnë vetëm te “Kupa e Ligës” në mënyrë që të mos quhet përfundimisht një sezon tjetër i dështuar.
Në sfidat e tjera, Junajtid mundi 3-0 Uest Hemin duke marshuar drejt Europës, ndërsa Bërnmuth-Notinghem u mbyll 1-1.
REZULTATET:
ÇELSI 2-4 ULLVËRHEMPTON
Palmer 19’, T. Silva 86’ / Kunja 22’, 63’, (P) 82’, Disasi (A.G) 43’
MAN. JUNAJTID 3-0 UEST HEM
Hojlund 23’, Garnaço 49’, 84’
BËRNMUTH 1-1 NOTINGHEM
Klajvert 5’ / Hadson-Odoi 45’
PANORAMASPORT.AL
