Markus Turam ishte i pari që komentoi suksesin ndaj Juventusit, duke qenë edhe protagonisti përgjysmë i saj, ai që shtyu Gatin në gabim në një episod që dhuroi tri pikët dhe një pjesë të rëndësishme të garës për titull.
“Ishte një ndeshje shumë e rëndësishme dhe jemi të lumtur që arritëm ta fitojmë. Goli nuk ishte i imi, por i të gjithë skuadrës dhe më e rëndësishmja është se ai episod na dhuroi tri pikët në fund. Edhe kaq më mjafton që të jem i lumtur, ndonëse tani duhet të bëjmë kujdes, pasi kemi një seri sfidash të vështira që na presin radhazi. Mundëm një rival që ishte shumë i fortë deri tani, por ne treguam edhe njëherë se jemi më të mirët, ndonëse asgjë nuk ka mbaruar. Por fakti që dimë të vuajmë së bashku dhe të gëzojmë së bashku na bën një grup shumë të bukur. Tani më falni, por duhet të shkoj sepse më pret babai për darkë (ish-juventini, Lilian Turam) dhe do më duhet të duroj kritikat e radhës”, e mbylli duke qeshur sulmuesi i Interit.
PANORAMASPORT.AL
