Erling Haaland në më shumë se një rast është lidhur me një kalim të mundshëm te Real Madrid sezonin e ardhshëm.
Mediat britanike pretendojnë se norvegjezi është i pakënaqur me stilin e jetës në Angli, madje shprehen të sigurta se përfaqësuesit e kanë këshilluar të largohet nga City drejt Madridit si e vetmja mënyrë për të marrë peshë në futbollin botëror.
Zëra këto të cilat duket se kanë nervozuar trajnerin Pep Guardiola, që i pyetur mbi të ardhmen e sulmuesit, deklaroi se ajo është diçka që nuk zgjidhet në media.
“Kush e kërkon Haaland le të vijë dhe të prezantojë një ofertë.
Mendoni se kjo çështje zgjidhet nëpërmjet mediave, në varësi të rasteve që një gazetar nis e shkruan për Haaland?
E ardhmja e Haaland zgjidhet në klub.
Mbetet për t’u parë nëse klubi do t’i ofrojë ose jo rinovimin, nëse lojtari e pranon ose jo ofertën për të rinovuar. Varet nëse mbërrin një ofertë zyrtare dhe nëse klubi e pranon ose jo atë.
Këto janë format mbi të cilat zgjidhet e ardhmja e një lojtari. Nëse dikush kërkon Haaland, e ka shumë të lehtë, le të telefonojë Cityn. Nuk kuptoj pse e komplikoni kaq shumë”, u shpreh Guardiola.
