Çelsi është mbërthyer nga një krizë totale, me blutë që janë jashtë çdo objektivi sezonal ndërsa prezenca në Evropë sezonin e ardhshëm duket e pamundur.
Problemi është më i thellë se kaq, tani yjet e bluve të gjendur përballë një fakti të tillë kanë filluar të rebelohen, ose më saktë janë bërë pishman për kontratat afatgjatë që firmosën.
Në janarin e 2023, Çelsi afroi në Londër dy lojtarë, Mudrik dhe Enzo Fernandez, dy lojtarë që i kushtuan klubit 195 milionë paund, ndërsa firmosën kontrata deri në 2031. Por tashmë Enzo Fernandez dëshiron të largohet në verë pasi nuk beson më te projekti i bluve.
Rikujtojmë që këtë verë londinezët afruan edhe dy lojtarë të tjerë si Xhekson dhe Kaisedo, vetëm ky i fundit i kushtoi 115 milion paund duke thyer rekordin brenda për brenda Anglisë. Në total, që pas ardhjes së pronarit të ri, Çelsi ka firmosur me nëntë lojtarë kontrata deri në 2030.
PANORAMASPORT.AL
