Filipo Inzagi nuk do të jetë më trajner i Salernitanës. Ish-sulmuesi i njohur është shkarkuar nga drejtimi i skuadrës së Serisë A, për shkak të rezultateve të dobëta.
Ndërkohë së fundmi, mediat italiane raportojnë se me pasardhësi i Pipos te Salernitana do të jetë Fabio Liverani.
47-vjeçari duket se do të jetë trajneri për ekipin nga Salerno këtë sezon. “Sky Sport Italia”, “Sportitalia” dhe më shumë media të tjera italiane, janë të bindur se Liverani ka rënë dakord për kushtet personale me klubin dhe pritet të fiormosë të dielën për një kontratë që zgjat deri më 30 qershor.
Skuadra e fundit që Liverani ka drejtuar është Kaljari, ku qëndroi në krye për 20 ndeshje, teksa bashkëpunimi përfundoi në dhjetor të vitit 2022.
PANORAMASPORT.AL
