Dëshira për të promovuar lojtarët e rinj vendas, ka bërë që në shumë kampionate të vendosen rregullore të ndryshme për të detyruar aktivizimin e tyre. Por ajo që ka ndodhur në elitën e futbollit slloven këtë të shtunë, ka qenë shumë qesharake.
Në këtë kampionat ekziston një rregullore ku të gjitha skuadrat duhet të aktivizojnë të paktën një lojtar nën 21-vjeçar mes titullarëve. Ekipet në përgjithësi janë përshtatur me këtë rregull, por skuadra e Rogaska ka zgjedhur një mënyrë shumë qesharake për të “përkulur” rregullin në ndeshjen ndaj Olimpija Ljubljanës.
Portieri 17-vjeçar Zan Lober rreshtohej si titullar në sfidën në fjalë, duke shënuar debutimin e tij me ekipin e parë, që zgjati vetëm 10 sekonda. Aq iu desh një prej lojtarëve të Rogaska të rifitonte topin dhe ta fluturonte në rivënie anësore, në mënyrë që Lorber të zëvendësohej nga portieri i parë i ekipit, 29-vjeçari Ajdin Mulaliç, pasi ato sekonda në fushë duheshin vetëm për t’ia hedhur rregulloreve të kampionatit.
17-letni vratar Rogaške Žan Lorber je dočakal debi v prvi ligi, ki pa ni trajal dolgo. Približno 10 sekund. Potem ga je zamenjal povratnik v slovensko ligo Ajdin Mulalić. Smešenje pravil NZS se nadaljuje … pic.twitter.com/W1tJcdvqDZ
— Rok Viškovič (@Rok_Viskovic) February 10, 2024
PANORAMASPORT.AL
