Mbrëmja e sotme do të mbahet mend gjatë, për talentin shqiptar Medon Berisha, i cili bëri debutimin zyrtar në Serinë A me fanellën e Leçes. Mesfushori 20-vjeçar, u hodh në fushë në minutën e 79-të të sfidës, duke zënë vendin e Ylber Ramadanit.
Në momentin që Berisha u inkuadrua në fushë, rezultati ishte 0-4 për kryesuesit e Interit. Pozitiv është fakti që talenti shqiptar është në planet e trajnerit të ekipit të parë të Leçes dhe kërkon të marrë minuta gradualisht, për të fituar eksperiencën e duhur.
20-vjeçari është pjesë e Kombëtares U-21 të Shqipërisë, teksa spikati sezonin e shkur me ekipin e të rinjve të Leçes ku ishte lideri i kësaj skuadre duke realizuar edhe 10 gola.
Interesant është fakti që në fushë në duelin e sotëm mes Leçes dhe Interit u aktivizua plot 3 shqiptarë, 2 titullarë, Asllani dhe Ramadani dhe Berisha i futur nga stoli.
PANORAMASPORT.AL
