Në futboll quhet rrotacion, por jo për arbitrat. Edhe Xhovani Ajroldi do të paguajë gabimin e bërë në ndeshjen kundër Xhenoas duke akorduar 11-metërsh për zikaltrit.
Në fakt pamjet treguan të kundërtën, kur Frendrup ka prekur topin në ndërhyrjen ndaj Barelës dhe Ajroldi duhet ta anulonte pas thirrjes së VAR-it. Kjo do të thotë që ai mund të pezullohet 1 ose 2 javë nga aktiviteti i futbollit italian. Gabimi i tij konsiderohet më pak i rëndë nga ai që bëri Di Belo në ndeshjen kundër Milanit, por me shumë mundësi Ajroldi do të rifillojë të arbitrojë nga Seria B.
Moviolistët e kritikuan vendimin e tij pas ndeshjes, por e njëjta gjë ka ndodhur edhe nga drejtuesit e arbitrave në Itali. Sipas tyre, ajo penallti nuk duhet të akordohej as në fushën e lojës dhe mbi të gjitha nuk duhej konfirmuar pas rishikimit të pamjeve në sistemin VAR.
Por Ajroldi u treguakokëfortë duke mos e ndryshuar vendimin e tij. Askushnuk e kupton pse e mbajti këtë qëndrim deri në fund.Arbitrat në Itali janë në një moment delikat dhe vetëdizenjatori Roki ka thirrur një mbledhje urgjente për tëdiskutuar arsyet dhe pse po ndodhin gabime kaq të shumta gjatë ndeshjeve, sidomos edhe me VAR.
PANORAMASPORT.AL
