Viktor Gyokeres thuhet se preferon t’i bashkohet Milanit verën e ardhshme në vend të Chelseat ose Arsenalit.
25-vjeçari suedez ka qenë në formë të shkëlqyer në sezonin e tij të parë në Sporting CP, duke shënuar 32 gola në 35 paraqitje në të gjitha garat.
Ai është ndër sulmuesit që Milani po monitoron për sezonin e ardhshëm dhe sipas mediumit të fundit nga GiveMeSport, Gyokeres ka prioritet një kalim në San Siro, para Chelseat ose Arsenalit që po e ndjekin gjithashtu.
Sporting CP nënshkroi Gyokeres nga Coventry për vetëm 21 milionë euro në verën e vitit 2023, por sulmuesi tani ka një klauzolë prej 100 milionë euro në kontratën e tij me skuadrën portugeze.
Pavarësisht dëshirës së tij për t’iu bashkuar Milanit sezonin e ardhshëm, kuptohet se kuqezinjtë kanë prioritete të ndryshme gjatë verës.
Burime të shumta thonë se sulmuesi, Joshua Zirkzee është objektivi i Milanit për sezonin 2024-2025 dhe Benjamin Sesko i RB Leipzig.
/GazetaBlic Sport
