Makthi i alkoolit ka ndikuar gjithmonë në karrierën e Paul Gascoigne. Ish-lojtari anglez i Lazios ka rrëfyer përvojën e tij me alkoolizmin: “Njerëzit e njohin Paul Gascoigne, por askush nuk e njeh Gazzën, madje as unë ndonjëherë”.
Këto janë fjalët e tij në dokumentarin përkatës: “Isha një i dehur i lumtur, por nuk jam më. Jam një pijanec i trishtuar. Nuk dal jashtë për të pirë, pi në shtëpi. Mundohem të mos bie në depression, sepse bota tashmë është mjaftueshëm në depresion.
Dhe kur jam vërtet i dëshpëruar, atëherë pi për të gëzuar veten. Nuk mendoj se kam zhgënjyer asnjë trajner, bashkëlojtar apo tifoz. Nëse ka pasur dikë që e kam zhgënjyer, jam unë”.
Gascoigne vazhdon: “Nëse kam një ditë të keqe, gjithçka që duhet të bëj është të shkoj në pijetore. Nëse dua të jetë një ditë e mirë, marr karremin dhe shkoj të peshkoj. Nuk është pija, janë pasojat. Kur shikoj telefonin tim dhe konstatoj 30 mesazhe ose telefonata të humbura, e kuptoj se jam në telashe.
Thjesht përpiqem të qëndroj larg vendeve të rrezikshme. Nëse pi, e bëj sepse më pëlqen. Nuk fajësoj askënd si dikur, por nuk u dorëzova kurrë. Mendoj se momenti që do të dorëzohem do të jetë kur ta gjej veten në një kuti prej druri. Përndryshe, do të vazhdoj të luftoj”.
