Rei Manaj vazhdon të shënojë gola spektakolarë me goditje dënimi.
Sulmuesi shqiptar ka realizuar sot përsëri me një gjuajtje të tillë në ndeshjen që Sivaspor humbi me shifrat 2:1 përballë Alaniaspor.
Një gjuajtje e jashtëzakonshme, e bazuar te forca e goditjes së lojtarit e cila kaloi murin dhe nuk i dha kohë të reagonte portierit kundërshtar.
Ky i fundit nuk kishte se si, pasi gjuajtja e Manajt ka qenë me një shpejtësi marramendëse.
Sipas “beIN Sports”, është përllogaritur se shpejtësia e goditjes së tij kishte qenë 135 km/orë.
Një statistikë mbresëlënëse për sulmuesin shqiptar i cili është kthyer në një nga protagonistët kryesorë të kampionatit dhe ka tërhequr vëmendjen e skuadrave më të njohura turke që janë gati të blejnë kartonin e tij nga Sivaspor.
