Ish-sulmuesi i Skënderbeut, Ali Soue, i ka dhënë fund “agjërimit”, teksa është rikthyer te goli në elitën e futbollit turk, pas plot 4 muajsh. 29-vjeçari nga Gambia gjeti rrugën e rrjetës ditën e sotme me fanellën e Ankaraguçu, në triumfin 2-1 që skuadra e tij arriti në shtëpi ndaj Basakshehirit.
Një gol me shumë peshë që i dha 3 pikë të arta skuadrës verdhezi. Soue tundi rrjetën në minutën e 67-të. Hera e fundit që ai kishte shënuar ishte më 3 dhjetor të vitit 2023 në barazimin 1-1 ndaj Beshiktash. Ky i sotmi ishte goli i katërt në 19 javë në këtë sezon për Soue, i cili gjithashtu ka regjistruar edhe 2 asiste.
Vlen të theksohet fakti se futbollisti nga Gambia, në sezonin 2017/2018 fitoi “Këpucën e Artë” në Superiore, duke realizuar 21 gola me fanellën e Skënderbeut. Pas këtij sezoni magjik, nisi dhe ngjitja në karrierë, nga ku më pas Soue u transferua te CSKA Sofia në Bullgari.
🔵🟡 Bahadır Han Güngördü’nün asistinde, Ali Sowe’dan çok şık gol! #ANKvBFK #beINSPORTS pic.twitter.com/rokx2foUrR
— beIN SPORTS Türkiye (@beINSPORTS_TR) March 16, 2024
PANORAMASPORT.AL
