Francesco Acerbi është mbrojtur pas akuzave të rënda të bëra nga Juan Jesus për racizëm.
“Unë nuk thashë asnjë fjalë raciste. Frazat raciste nuk kanë dalë kurrë nga goja ime, kjo është e sigurt. Jam shumë i qetë. Në karrierën time 20-vjeçare nuk kam thënë kurrë një frazë raciste, ishte ai që e keqkuptoi”, tha ai sipas Sport mediaset.
Mbrojtësi i Nerazzurrëve, i kthyer nga Coverciano, ku pasi foli me Spallettin, u përjashtua nga miqësoret e ditëve të ardhshme , komentoi atë që ndodhi të dielën në San Siro, duke mohuar gjithçka.
“Më vjen keq që u desh të largohesha”.
Drejtësia sportive do të përpiqet të hedhë dritë mbi atë që ndodhi në fushë dhe më pas të marrë masat.
“Argument i ashpër por ai nuk e tha atë fjalë”, tha Federico Pastorello, agjenti i mbrojtësit të Interit.
“Së shpejti do të bëhet një diskutim me lojtarin për të hedhur dritë mbi dinamikën e saktë”, mësohet të ketë thënë Interi.
Nëse akuzat e Juan Jezus vërtetohen, vepra e Acerbit do të shkelte paragrafin 1 të nenit 28 të Kodit të Drejtësisë Sportive , i cili thotë: “çdo sjellje që, drejtpërdrejt ose tërthorazi, përfshin ofendim, denigrim ose fyerje për arsye të racës, ngjyrës, fesë, gjuhës, seksit, kombësisë, origjinës duke përfshirë origjinën etnike, gjendjen personale ose sociale ose përbën propagandë ideologjike të ndaluar me ligj ose në çdo rast që lavdëron sjellje diskriminuese”.
Paragrafi i mëposhtëm sqaron gjithashtu sanksionet për shkeljet e nenit: “Lojtari që kryen shkeljen e përmendur në paragrafin 1 dënohet me përjashtim për të paktën dhjetë ditë ndeshje ose, në rastet më të rënda, me përjashtim me afat të caktuar dhe me sanksionin e parashikuar nga neni 9, pika 1, germa g), si dhe për sektorin profesional, me gjobë nga 10 000,00 euro deri në 20 000,00 euro ”.
