Ylli i madh i Paris Saint-Germain, Kylian Mbappe, ka bërë të ditur se e ardhmja e tij do të jetë e qartë para fillimit të Kampionatit Evropian në Gjermani këtë verë. Reprezentuesi francez duket gjithnjë e më afër transferimit të shumëpritur te Real Madrid.
“E ardhmja ime do të jetë e qartë përpara Evropianit dhe njerëzit do ta kuptojnë atë. Unë jam shumë i qetë për këtë dhe njerëzit do të jenë gjithashtu të qetë. E ardhmja ime nuk është më një temë kryesore në Paris Saint-Germain. Për momentin askush nuk po flet për të”, tha Mbappe.
“Do të jem me mendje të kthjellët në Kampionatin Evropian. Do të jem gati të bëj gjëra të mëdha me Francën”, ka thënë edhe Kylian Mbappe, duke dhënë një kërkesë serioze për Euro 2024 në një intervistë për “Telefoot”.
/GazetaBlic Sport/
View this post on Instagram
