Lamine Jamal nuk është në shitje. Presidenti i klubit, Joan Laporta konfirmoi në fjalimin e tij në “The Podcast” se katalanasit kanë refuzuar një ofertë me vlerë 200 milionë euro për anësorin 16- vjeçar.
“Ne kemi marrë oferta për Lamine Jamal për 200 milionë euro dhe i kemi thënë jo. Sepse ne i besojmë djalit, në projeksionin e tij sportiv dhe nuk kemi nevojë të shesim, përkundrazi. Jemi në një proces rimëkëmbja ekonomike dhe tashmë duke parë dritë në fundin e tunelit”, tha presidenti i Barçës.
Kjo ofertë ishte nga Paris SG-ja, diçka që presidenti i Barcelonës nuk e specifikoi. Ndërkaq, klubi, nëpërmjet presidentit Laporta ka nënvizuar se ka prishur në mënyrë të njëanshme kontratën me firmën e veshjeve sportive “Nike”. Shkak sipas tij është bërë mos përmbushja e detyrimeve kontratuale mes gjigantit amerikan të veshjeve sportive dhe klubit blaugrana.
Palët tashmë janë në bisedime për të finalizuar termat e zgjidhjes së marrëveshjes, me klubin blaugrana që kërkon dhe dëmshpërblim nga kompania amerikane. “Nuk kishte kuptim të vijonim me kontratën me ‘Nike’. Ata nuk i kanë përmbushur detyrimet ndaj nesh. I kemi dhënë disa herë kohë dhe nuk kanë bërë pagesat”, deklaroi Laporta. Prej muajsh, Barcelona po bisedon me prodhuesin tjetër “Puma”.
PANORAMASPORT.AL
