Dejan Kulusevski është kthyer sot në liderin e ri të Suedisë. Jo vetëm se me lojën e tij vuri vazhdimisht në vështirësi prapavijën e Shqipërisë, apo edhe se dha asistin perfekt për golin e fitores së Nilson.
Mediat suedeze kanë zbuluar se ka qenë pikërisht mesfushori ai që para hyrjes së skuadrave në fushë, bëri fjalimin motivues për ekipin dhe jo trajneri Jon Dahl Tomason. Kjo gjë ndodhte shpesh kur Zlatan Ibrahimoviç ishte pjesë e përfaqësues suedeze dhe me sa duket Kulusevski, po mundohet që të ecë në gjurmët e një ikone si ai.
Megjithatë, lojtari pas ndeshjes shpjegoi se në fakt ishte munduar të kopjonte sjelljen e Ante Postecoglu, trajnerit të Totenhemit, ku ai aktivizohet. “Ishte hera e parë që bëja një fjalim të tillë, Kopjova trajnerin tim te Totenhem, Ante Postecoglu. Mendoj se djemve u pëlqeu, ndaj do më duhet ta bëj prapë herën tjetër”, tha ai.
Tomason duket se është dakord me këtë veprim. “Fantastike, ai bëri shumë mirë. Foli që të gjithë ishin të bashkuar dhe që ishim familje. Foli për ne”, tha trajneri pas sfidës.
PANORAMASPORT.AL
