Ekuadori u mposht nga Italia në miqësoren e luajtur në Nju Jork, me rezultatin 2-0, falë golave të Pelegrinit dhe Barelës. Skuadra amerikano-jugore u shfaq e nënshtruar dhe asnjëherë nuk u bë shumë e rrezikshme në zonën e portierit Vikario.
Në Ekuador nuk e pritën aspak mirë disfatën dhe, në fakt, e drejtuan gishtin te disa lojtarë të kombëtares. Faji i tyre është se kanë qëndruar deri në orët e vona të natës në prag të ndeshjes miqësore kundër të kaltërve. Mediat vendëse u vërsulën kundër tyre dhe sollën në dritë natën e disa lojtarëve të Ekuadorit.
Po flitet për një skandal me drita të kuqe me disa lojtarë të kombëtares të përfshirë, në prag të ndeshjes kundër Italisë. Një video është bërë virale dhe Kendri Paez, Gonzalo Plata dhe Robert Arboleda shihen duke kërcyer me një striptiste dhe duke i bërë paratë të fluturojnë rreth vajzës.
Videoja krijoi gjithashtu shqetësim dhe indinjatë dhe tre lojtarët tani mund të rrezikohen nga sanksionet nga Federata Ekuadoriane e Futbollit, por edhe nga klubet e tyre përkatëse. Videoja tashmë ka bërë xhiron e rrjeteve sociale dhe komentet e tifozëve janë nga më pikantet. Për më tepër shikoni pamjet:
❗🇪🇨Escándalo en la Selección de Ecuador: varios jugadores llevaron a Kendry Páez, de 16 años, a un club de striptease tras el partido contra Guatemala. pic.twitter.com/5mUYREEBWj
— BeSoccer (@besoccer_ES) March 26, 2024
PANORAMASPORT.AL
