Pas ngjarjeve në ndeshjen e fundit mes Trabzonsporit dhe Fenerbahces, gjigantët nga Stambolli kërcënuan të largohen nga kampionati dhe të luajnë në një tjetër ligë evropiane.
Këto njoftime nga Fenerbahçe lanë shumë të tronditur dhe Turqia me të drejtë ishte e shqetësuar se kjo mund të ndodhte realisht, gjë që natyrisht do të ishte një katastrofë dhe do të çonte në një kolaps të përgjithshëm në futbollin turk.
Asambleja e Fenerbahces është gati të shqyrtojë mundësinë e veprimeve të ndryshme, përfshirë edhe largimin nga vetë Superliga. Disa burime të lajmeve kanë treguar se Fenerbahce po mendon të aplikojë në Jupiler League belge, Eredivisie holandeze, Ligue 1 franceze dhe La Liga spanjolle.
Rodrigo Gonzalez, gazetar nga Marca, ka shkruar pse Fenerbahce nuk mund të marrë pjesë në La Liga dhe se është thjesht e pamundur pavarësisht se gjëra të pabesueshme ndodhin në futboll çdo ditë dhe se koha sjell me vete disa ndryshime të paimagjinueshme më parë.
“Me ne nuk mundesh…”, shkruan gazetari Marce dhe shpjegon pse: “Sipas ligjit spanjoll, asnjë ekip nga jashtë vendit nuk mund të konkurrojë në ligat kombëtare ose lokale. Vetëm një vend është i përjashtuar nga kjo. Sipas ligjit, klubet Andorrane mund të garojnë në ligat spanjolle”.
