Është një skuadër e mbushur me “yje” në sulm. Kombëtarja e Shqipërisë po përjeto një gjeneratë “të artë”, në repartin ofensiv, teksa përmban lojtarë si Broja, Muçi, Muçolli, Hoxha, Muja, Daku, Seferi, Asani e Cikalleshi, por jo vetëm pasi mes tyre është edhe “fantazisti” i sulmit të Bristol City, Anis Mehmeti.
Anësori i krahut të majtë është kthyer në një lojtar kyç për skuadrën e tij këtë sezon dhe këtë e tregoi edhe mesditën e kësaj të premteje, ku ishte padyshim vendimtar, në fitoren 1 me 0, të Bristol City, ndaj “Dhelprave”, të Leicester, me 23-vjeçarin, që mposht portierin Hermansen, me një goditje fantastike nga jashtë zone, në mintuën e 73’-të të sfidës.
Ky gol ndikon shumë në renditjen e “Dhelprave”, të cilat bien në vendin e 3-të të tabelës, me 82 pikë, po aq sa Leed United dhe dy pikë më pak se kryesuesit e Ipshëich Toën, ndërsa skuadra e Bristol City ngjitet në kuotën e 50 pikë dhe do t’i duhej një seri e gjatë fitoresh, për të patur një shpresë sado të vogël, për të marrë pjesë në “play off”-et e kualifikimit, në Premier League. /i.m /abcnews.al
SHIKONI GOLIN:
⚽ Anis Mehmeti scores a goal against Leicester City. pic.twitter.com/gPTMJAZfMZ
— Albanian Football 🇦🇱 (@Albaniafooty_EN) March 29, 2024
