Pas dëmtimit të rëndë, mbrojtësi Eder Militao është rikthyer të luajë për Real Madrid, në ndeshjen e fituar 2-0 ndaj Atletik Bilbaos, me një triumf që i afron akoma më shumë “Los Blancos” drejt fitimit të titullit kampion. Qendërmbrojtësi brazilian foli për mediat zyrtare të klubit pas përfundimit të ndeshjes:
“Ndjej shumë gëzim dhe lumturi për mbështetjen e tifozëve. Kur dola për të bërë nxehmjen, mbështetja që më dhanë ishte një gëzim që nuk mund ta shpjegoj. Kanë qenë disa ditë të vështira, por tani është koha për t’u argëtuar. Kthimi im duhej të ishte këtu, në shtëpi. Edhe kundër klubit që jam dëmtuar. Rikthimi kundër tyre është një gëzim për mua.
Mbështetja e ekipit? Ne kemi një grup që nuk mund të përshkruhet. Është bukur… ata të japin gjithmonë mbështetje, të ndihmojnë, të hysh dhe të marrësh dashurinë e tyre është një nder. Mendoj për të gjithë njerëzit që më kanë ndihmuar, nga fizioterapistët e deri te familjarët. Ishte një kohë shumë e vështirë. Tani është Siti”,- tha Militao.
PANORAMASPORT.AL
