Skuadrat e Serisë A kanë shpenzuar të gjitha 220 milionë euro si komisione për agjentët e lojtarëve në vitin 2023, 15 më shumë në krahasim me vitin e kaluar dhe 47 më shumë sesa 2 sezone më parë. Lajmin e bën të ditur vetë federata italiane sepse ekziston një rregull që kërkon transparencë të plotë për shifrat e shpenzuara nga 20 klubet për agjentët.
Interi është skuadra që kryeson këtë renditje dhe ka arritur të shpenzojë 34.8 milionë euro, 14 më shumë sesa viti 2022 dhe 11 në krahasim me vitin 2021. Sigurisht që kjo gjë ishte e pritshme për faktin se Marota dhe Auzilio kanë bërë shumë lëvizje me lojtarët me kosto zero dhe do të duhet të paguajnë agjentët e tyre për t’i bindur që të zgjedhin Interin.
Juventusi është në vendin e dytë me 23.1 milionë euro, ndërsa Fiorentina mban podiumin me 15.4 milionë. Roma dhe Milani kanë shpenzuar 15.3 milionë euro për agjentët.
PANORAMASPORT.AL
