Në orët e fundit të merkatos së 2023-shit, Sofyan Amrabat u transferua drejt Manchester United, por tani shumë gjëra kanë ndryshuar dhe ai mund të rikthehet te Fiorentina.
Amrabat zbarkoi në Premier League me dëshirën për të ndërtuar karrierën të “Djajtë e Kuq”, por deri më tani aventura e tij ka rezultuar zhgënjyese dhe tani e ardhmja e Amrabat duket qartë se nuk do të vazhdojë në “Old Trafford”.
Mediet britanike kanë raportuar se Manchester United nuk do të ushtrojnë të drejtën e blerjes prej 20 milionë eurosh dhe marokeni do të rikthehet në Itali, ku me shumë mundësi e ardhmja sërish nuk do të jetë te Fiorentina, pasi për të interesohen Milan dhe Juventus, që do të duelojnë në merkato për shërbimet e mesfushorit.
