Jurgen Klopp ka komentuar se skuadra e tij duhet të injorojë presionin në fund të këtij sezoni. Siç dihet, gjermani do të largohet nga posti i tij në fund të sezonit.
Pas barazimit të fundjavës së kaluar mes Manchester Cityt dhe Arsenalit, mediat e ishullit e kanë cilësuar Liverpoolin si favorit për titull. Merseysiders aktualisht kanë 67 pikë dhe janë dy përpara Arsenalit dhe tre më shumë se Manchester City. Reds luajnë me Sheffield United të enjten, ndërsa Topçinjtë dhe Citizens luajnë sot, përcjell GazetaBlic Sport.
“Një nga gjërat më të rëndësishme për të kaluar këtë periudhë është thjesht të injorosh zhurmën e jashtme”, tha Klopp.
“Ne duhet të jemi emocionalë, por në mënyrën e duhur – të jemi versioni më i mirë i vetes. Nuk ka garanci, vetëm mundësi. Ne vetëm duhet të fitojmë ndeshjet tona të futbollit”, shtoi gjermani.
/GazetaBlic Sport
