Ksavi nuk lodhet së përsërituri në çdo konferencë shtypi pas një ndeshjeje se një nga problemet kryesore të skuadrës është paaftësia për t’i mbyllur ndeshjet.
Sipas tij, Barçës i mungon efektiviteti dhe objektivi dhe duhet të vuajë në minutat e fundit. Pikërisht, Barcelona e këtij sezoni, së bashku me Atletik Bilbaon, janë dy skuadrat që mund të thuhet se do të shpalleshin kampionë nëse kampionati do të matej nga shtyllat e goditura. Pa shkuar më tej, të shtunën e kaluar kundër Las Palmasit në stadiumin “Olimpik” në “Montjuiç”, Zhoao Feliks goditi shtyllën e radhës.
Ishte shtylla e 16-të e firmosur nga katalanasit në 30 ndeshjet e luajtura deri në këtë pikë të sezonit në La Liga. Ata, së bashku me Bilbaon kanë një mesatare prej pak më shumë se 0.5 shtylla për ndeshje. Në këtë statistikë të veçantë, pas Barcelonës dhe Bilbaos, gjejmë Realin e Madridit dhe Seviljen. Andaluzët dhe Madridi kanë 15 goditje në shtyllë. Podiumin e ka mbyllur Sociedadi, me 14 goditje të sprapsura nga shtylla.
PANORAMASPORT.AL
