Jasir Asani është padyshim një prej lojtarëve më të rëndësishëm për Shqipërinë.
Ky futbollist nuk po luante në kampionatin e sapo nisur në Korenë e Jugut, pasi kishte një përplasje me drejtuesit e klubit.
Asani ka kërkuar që të largohet në merkaton e janarit, por drejtuesit nuk e kanë lejuar një gjë të tillë.
Më pas ata vendosën që në ndeshjet e para, Jasiri të mos grumbullohej me ekipin në formë dënimi.
Por së fundmi “Sport Ekspres” mëson se është organizuar një mbledhje në ekip nga ku u vendos që Asani të jetë gati për ekipin nga ndeshja e nesërme.
