Federiko Gati vendosi në fazën e parë derbin e Torinos, ndonëse ishte debutues në sfidën torineze.
Por qendërmbrojtësi bardhezi beson se Juventusi mund të përsëritet edhe sot, por mbi të gjitha i lëshon një mesazh klubit për Alegrin: “Unë nuk e di se çfarë do të rezervojë e ardhmja, por ajo që di të them është se nëse sot jam një lojtar që jam rritur fizikisht, por edhe në eksperiencë e personalitet, kjo është vetëm për meritë të Alegrit. Maks është një trajner që kur gabon beson edhe më shumë te ty, jo si të tjerë që të lënë në një cep për të dënuar dhe kjo e nderon dhe e bën një njeri të madh.
Në të njëjtën kohë më ka përmirësuar si lojtar, sepse nuk besoj se mund të bëja edhe mesfushorin anësor dhe të shkoja shpesh me topin deri në sulm. Kështu që këtë derbi duhet ta fitojmë sidomos për trajnerin tonë. Gjithsesi kujdes, sepse Torino është një skuadër shumë fizike dhe do të na bëjë që të vuajmë. Surpriza e sezonit? Realisht më ka mahnitur Interi, sepse nuk besoja që do të ishin kaq superiorë dhe me një vazhdimësi kaq të lartë”, përfundoi Gati.
PANORAMASPORT.AL
