Suhareka edhe zyrtarisht në elitën e futbollit të Kosovës.
Për një vit të ekzistimit si klub, ngriten në Superligë.
Suhareka fitoi në Skenderaj me rezultat 1:0 ndaj Drenicës.
Suhareka kryeson me 53 pikë, pasojnë Dinamo me 46, Trepça ’89 me 45 pikë etj.
Presidenti i klubit Suhareka, Rrustem Aliaj, ndihet i lumtur për suksesin e madh.
“Urime qyteti i Suharekës, urime futbolli Kosovar, urime kryesi, bashkëpronar, bashkëpuntor, simpatizantë, staf, futbollistë dhe gjithë pjesëtarët e tjerë të klubit që kontribuan në suksesin historik të klubit ku ende pa i bërë 1 vit themelim inkuadrohemi në elitën e futbollit Kosovar.
Me të vërtetë emocion i papërshkrueshëm dhe një ndjenjë e veçantë ku nuk ka fjalë për ta uruar, falënderim i madh për të gjithë që në të gjitha format pa marr parasysh pozicionin ndihmuan klubin tonë për këtë sukses të madh.
Kryesia e FC Suhareka që nga fillimi kishte vënë para synimin dhe objektivat e që të bashkuar krijuaj familje mbrenda klubit gjë e cila u shpagua me inkuadrim në superligën e Kosovës.
Falenderim për të gjithë pronarët, sponzorët, miqtë, tifozët, trajnerët, futbollistët e staffin në përgjithësi, emocioni nuk paguhet me para, lotët nuk paguhen, familja e madhe e FC Suhareka ka festën e kampionit”, ka shkruar Aliaj në profilin e tij në facebook.
