Kapiteni i Interit, Lautaro Martinez, ka dhënë një prononcim së fundmi në mediat italiane, duke prekur edhe të ardhmen, teksa kontrata e tij skadon në vitin 2026.
“Në futboll asnjëherë nuk i dihet, por në Milano ndihem mirë dhe dëshira ime është të rinovoj. Fitimi i yllit të dytë në shtëpinë e tyre (Milanit) ishte i veçantë. Ne bëmë histori. Kur Milani fitoi titullin dy vite më parë, ne vuajtëm shumë.
Nuk do ta harrojmë kurrë ditën e derbit që na dha titullin, meqë po bëheshin llogaritë për të fituar skudeton, data e derbit ishte e veçantë për ne. Pasi kam fituar Kupën e Botës me Argjentinën, tani ëndrra ime është Liga e Kampionëve me Interin.
Që kur kam qenë në Milano, të gjithë më kanë trajtuar mjaft mirë. Mund ta them në një mënyrë të veçantë. Unë jam mirënjohës për këtë, por në futboll nuk i dihet se çfarë ndodh”, u shpreh Lautaro.
PANORAMASPORT.AL
