Trajneri i Manchester United, Erik ten Hag shpreson se Bruno Fernandes të qëndrojë në ‘Old Trafford’.
Ditëve të fundit është folur se Fernandes është në mesin e atyre që janë në listën e transferimeve nga bashkëpronari i United, Sir Jim Ratcliffe.
“E di që ai është shumë i lumtur që është këtu”, tha Ten Hag.
“Marrja e përgjegjësisë është një nga asetet më të mëdha që lojtarët kryesorë duhet të tregojnë dhe japin. Bruno është gjithmonë i disponueshëm. Ai nuk humbet asnjë ndeshje dhe gjithmonë luan në nivel të mirë dhe gjithmonë i jep energji skuadrës”.
“Bruno është një luftëtar i vërtetë. Ai është shembull i mirë për lojtarët e tjerë”, ka pohuar strategu holandez.
