Bajern Mynih ka menduar që ndeshjen në ”Santiago Bernabeu” ta përjetojë si në shtëpi dhe ka marrë masa të veçanta që lojtarët të ndjehen në ambient të tillë.
Klubi ka publikuar pamje nga dhomat e zhveshjeve të stadiumit spanjoll, duke zbuluar se i kishte dekoruar ato me ngjyrat e bavarezëve, duke mos i lënë vetëm me të bardhën e ekipit vendas.
Aty kishte parulla të mëdha që i kushtoheshin tifozëve. “Do të luftojmë me të zezë për ata me të kuqe”, ishte parulla e dukshme e vendosur nga klubi gjerman.
Kjo për shkak se bavarezët luajnë me fanellën e zezë në ndeshjen e sotme, por ndërkohë, u kishin kërkuar 4 mijë tifozëvë të pranishëm në “Santiago Bernabeu” që të shkonin në stadium me fanellat e kuqe, që të ishin sa më të dukshëm mes detit të bardhe të vendasve.
Por jo vetëm kaq, Në ambientet e brendshme ishin vendosur raftet e personalizuara me emrat dhe numrat e lojtarëve si dhe ishin vendosur drita të kuqe, në mënyrë që gjithçka të dukej se i ngjante stadiumit “Allianz Arena”. Çdo gjë me lejen e Real Madrid.
⚫️ WE FIGHT IN BLACK ⚫️
🔴 FOR ALL IN RED 🔴 pic.twitter.com/BPF3PI65G2— FC Bayern Munich (@FCBayernEN) May 8, 2024
PANORAMASPORT.AL
