Kënga “Fire”, kënga zyrtare e Euro 2024, tashmë është e disponueshme në të gjitha platformat e transmetimit.
Artistët e përfshirë janë Meduza, One Republic dhe Leony. Performanca mund të shihet drejtpërdrejt në ceremoninë e mbylljes së Euros në stadiumin Olimpik në Berlin, më 14 korrik.
“Futbolli dhe muzika kanë fuqinë për të bashkuar njerëzit”, thotë Philipp Lahm, drejtor i turneut.
Në anën muzikore, Meduza tha, cituar nga UEFA: “Tani, më shumë se kurrë, fuqia e muzikës për të na bashkuar është e pamohueshme. Si tifozë të mëdhenj të futbollit, ne jemi të emocionuar të kombinojmë pasionin tonë për lojën me muzikën tonë për UEFA Euro 2024.”
OneRepublic shpjegoi se ata e krijuan këtë këngë për “dashësit e futbollit dhe muzikës”.
Leoni nuk mund të harronte faktin që Euro po zhvillohej në Gjermani: “Me këtë edicion që po zhvillohet në Gjermani, në vendin tim, të jesh pjesë e krijimit të këngës zyrtare të turneut është një ëndërr e realizuar”.
/GazetaBlic Sport/
