Jan Bisek është gati për të ngritur trofeun ditën e diel kundër Lacios. Do të jetë trofeu i dytë për mbrojtësin gjerman, që në Superkupë bëri batuta se nuk dinte se si ngrihej trofeu.
“Këtë herë jam gati. Nuk jam si në Superkupë sepse kam pak eksperiencë. Bëmë një ndeshje shumë të mirë dhe luajtëm ashtu siç duhet në krahasim me sfidën me Sasuolon. Ne e dinim mirë se çfarë duhet të bënim. Mendoj se edhe unë personalisht bëra një ndeshje të mirë.
Shokët e skuadrës më kanë ndihmuar shumë. Nuk është aspak e lehtë që të luash në Serinë A në moshë kaq të re. Unë jam duke bërë maksimumin për të qenë në dispozicion të skuadrës. Kemi shumë lojtarë të rëndësishëm dhe mësoj prej tyre ditë pas dite në stërvitje”, ka thënë Bisek, që iu afrua edhe golit duke goditur shtyllën.
PANORAMASPORT.AL
