Serxho Konseisao deklaroi se nuk ndihet i lidhur me pozicionin e tij te Porto, Fonseja po vlerëson hipotezën e Marsejës, edhe pse do të preferonte rikthimin në Serinë A, por dëshiron të kuptojë sesa konkret është interesimi i kuqezinjve.
Klubi i presidentit Longoria i ka bërë një ofertë shumë serioze por trajneri portugez ende nuk ka marrë një vendim. Me pak fjalë, trajneri i ri i Milanit është gjithmonë një enigmë dhe i ngjan historive të dashurisë që bëjnë kthesa të mëdha dhe më pas kthehen. Ashtu si emri i Antonio Kontes. Njeriu i kërkuar nga tifozët si shpëtimtari i vetëm i mundshëm i atdheut kuqezi është ende në garë. Në orët e fundit thuhet se ka mundësuar të filtronin lajmet se do të ishte gati të pranonte ofertën e Milanit.
Thjesht duhet kuptuar se sa klubi i Xherri Kardinale të fokusohet seriozisht dhe përfundimisht tek ai. Sipas disa reagimesh me dozë të lartë vërtetësie, në “Casa Milan” vazhdon kërkimi i trajnerit pa lënë asgjë të filtrohet asgjë dhe emrat që kanë qarkulluar deri më tani janë më shumë si anketa apo plan B.
SITUATA – Duke u rikthyer te Konte, ai e ka mbajtur gjithmonë derën e hapur për Milanin dhe është plotësisht i disponueshëm për të vlerësuar pagën e tij dhe buxhetin për merkato, me vetëdijen e plotë se nuk është në gjendje të kërkojë investime emra në tregun e transferimeve që do të ishin si hemorragji milionash për klubin. Atij i pëlqen zgjidhja e Milanit për vlerën e lojtarëve në skuadër, prestigjin e klubit dhe ambicien për të arritur titullin me tre klubet më prestigjioze dhe të titulluara në Itali.
Mbetet vetëm të presim që klubi kuqezi të bëjë një hap vendimtar drejt tij, ndërkohë që Konte ka aleat Zlatan Ibrahimoviçin. Drejtori i “Djallit” ka qenë shok i tiji në kohët e Juventusit dhe tashmë janë ende miq. Suedezi mund të jetë shtysa kryesore që Kardinale të investojë pikërisht tek italiani. Në listë, gjatë orëve të fundit është futur edhe emri i Maurisio Poçetinos që mund të largohet nga Çelsi, teksa po luan shanset e tij edhe Marko Roze.
Trajneri i Lajpcigut është shprehur i lumtur për pankinën e tij aktual, por ka lënë një spirale të hapur duke thënë: “Jam i kënaqur me punën time te Lajpcigu, por nëse klubi nuk është i bindur atëherë mund të flasim lirisht…”. Në fakt, ardhja e Marko Rozes është lidhur më së shumti me faktin që si trajner i Benjamin Sheshkos (objektiv kryesor për sulmin) mund të lehtësojë në zbarkimin e shtatlartit slloven te kuqezinjtë e Milanos gjatë verës së ardhshme.
PANORAMASPORT.AL
