Antonio Konte është gati që të rikthehet në stol, por ndërkohë e ardhmja e tij është një mister që pritet të zgjidhet brenda kësaj vere.
Sipas asaj që raporton “Sportitalia”, dje ka ndodhur një takim mes trajnerit dhe presidentit të Napolit, Aurelio De Laurentis, në të cilin leçezi ka marrë edhe ofertën e parë zyrtare. Producenti i filmave në Hollivud i ka vënë mbi tavolinë Kontes një kontratë 3-vjeçare prej 7 milionë eurosh në sezon, plus 2 milionë të tjera në formë bonusesh, e cila duket se është edhe ajo më rëndësishmja deri tani.
Pa dyshim që Konte nuk ka dhënë menjëherë një përgjigje, duke qenë se për të në garë është edhe Milani e Juventusi, por pa dyshim që kundërsulmi i Napolit do të zgjojë të dyja klubet e tjera të interesuara.
PANORAMASPORT.AL
