Trajneri Thomas Tuchel e ka konfirmuar largimin nga Bayern Muncheni në fund të edicionit, përkundër hipotezave se mund të qëndronte në krye të ekipit edhe edicionin tjetër.
Në konferencën për shtyp të premten para ndeshjes me Hoffenheimin, Tuchel ka thënë se ka biseduarme drejtuesit e klubit për të qëndruar, por që nuk kanë arritur marrëveshje.
Ai nuk ka zbuluar detajet, por ka thënë se marrëveshja që e kishin në muajin shkurt për largimin e tij ende qëndron.
Në fakt, Tuchel zbuloi se kjo ishte konferenca e tij e fundit në qendrën stërvitore te Bayernit.
Nën drejtimin e tij, Bayerni nuk e fitoi asnjë trofe ndërsa Tuchel është trajner i ekipit prej muajit mars të vitit 2023. Ai ka kontratë me bavarezët deri verën tjetër, por muaj më parë arriti marrëveshje me klubin për ta shkëputur para kohe.
Bayerni, të shtunën prej orës 15:30 luan në udhëtim te Hoffenheimi në kuadër të xhiros së fundit të Bundesligës.
Tuchel përshëndetet me Bayernin
