Skuadra rumune, CFR Cluj ka kthyer sytë nga futbolli kosovar, më saktësisht tek ekipi i Ballkanit.
Cluj që ishte kundërshtar i Ballkanit në Conference League po monitoron nga afër dy futbollistë të klubit kampion të Kosovës, shkruan GazetaBlic Sport.
Tashmë nuk ka dyshime që mbrojtësi anësor, Armend Thaqi do ta vazhdojë karrierën në Rumani tek ky klub.
Megjithatë, GazetaBlic Sport mëson se Cluj ka interesim të madh edhe për Lumbardh Dellovën, qendërmbrojtësin fantastik të Ballkanit.
Ofertat në drejtim të Dellovës tashmë janë bërë rutinë, pasi lojtari ka paraqitje mbresëlënëse. Cluj ka interesim konkret, andaj mbetet të shihet nëse do arrin marrëveshje me klubin dhe lojtarin për një transferim të tillë.
Kujtojmë se Cluj dhe Ballkani kanë raporte të mira, pasi më parë nga klubi kosovar tek ai rumun u transferua edhe Ermal Krasniqi.
/GazetaBlic Sport
