Trajneri i Real Madridit, Carlo Ancelotti, ka dhënë një intervistë për Times, gjatë së cilës është fokusuar në tema të ndryshme: “Ne e fituam kampionatin sepse mes nesh nuk kemi xhelozi, në këtë ekip nuk ka një të tillë. Vinicius, Bellingham dhe të gjithë të tjerët nuk kanë asnjë llojë xhelozie ndaj të rinjvëve të tjerë. Plus që ka një përulje të madhe, një vlerë themelore që duhet ta kesh”.
Ancelotti lider i qetë.
“A mendon se lojtarët dëgjojnë më shumë nëse bërtisni? Jo, sa më shumë bërtisni aq më pak të dëgjojnë. Çështja kryesore është se unë kam shumë pasion, por nuk jam i fiksuar. Më pëlqen puna ime, por jam i qetë, është e çuditshme, sepse para ndeshjes zakonisht jam shumë nervoz”.
“Dy-tre orë para ndeshjes nuk ndihem kurrë mirë, zemra më rreh shpejt, kam mendime të këqija. Mundohem të fle dhe nuk mundem. Më pas, sapo arbitri i bie bilbilit, jam sërish i qetë, nuk kam frikë dhe e di që gjithçka do të jetë mirë”.
Real Madridi është një ekip shumëplanësh.
“Kur luajtëm kundër Shakhtar Donetsk, i thashë ekipit tim: ‘Mos u bëni presion, kjo është ajo që ata duan’. Dhe në fakt ne fituam 5-0. Të kesh vetëm një identitet skuadre është një kufi. Shakhtar ishte një skuadër e shkëlqyer, De Zerbi bëri një punë të shkëlqyer, por e dija që duke mos shtypur do të na jepnin topin”.
