Portieri Ilir Avdyli është ftuar në kombëtaren e Kosovës për ndeshjen miqësore me Norvegjinë..
Nënkampioni i Kosovës, Llapi i Podujevës, ndjehen krenar me portierin, për ftesën që iu bë nga përzgjedhësi Franco Foda.
“Portieri Ilir Avdyli është ftuar nga përzgjedhësi Franco Foda dhe tashmë iu ka bashkuar ekipit kombëtar në grumbullimin për miqësoren e ardhshme kundër Norvegjisë.
Avdyli, i cili ka treguar paraqitje shumë të mira në kampionatin vendor, do të jetë pjesë e ekipit kombëtar për ndeshjen miqësore me Norvegjinë, që do të zhvillohet më 5 qershor.
Urojmë për ftesën portierin më të mirë të sezonit si dhe presim të na përfaqësoj denjësisht si klub së bashku me dy futbollistët tjerë të ekipit tonë: Muhamet Hyseni e Ilir Krasniqi”, ka bërë të ditur KF Llapi.
