Ish-anësori i Real Madridit, Roberto Carlos, foli për Sky Sport nga Londra ku prezantoi finalen e Ligës së Kampionëve të planifikuar për të shtunën në mbrëmje mes Blancos dhe Borussia Dortmundit: “Do të jetë një finale e madhe. Janë Vinicius, Rodrygo, por edhe Kroos e Valverde… Reali ka një ekip shumë të fortë me lojtarët më të mirë në botë”.
Për Ancelottin: “Nëse dëshiron të jesh trajner, Ancelotti është shembulli që duhet ndjekur nga të gjitha këndvështrimet. Si njeri, trajner, mënyra e të folurit… Italia ka pasur dhe ka trajnerë të nivelit më të lartë: nga Ancelotti te Capello e deri te Inzaghi”.
Mbi kujtimet e tij nga eksperienca me Interin: “Miqtë, tifozët, populli zikaltër… Të gjithë u sollën shumë mirë me mua”.
