Lidsi ka arritur një marrëveshje me firmën e pijeve energjike “Red Bull” për t’i ndihmuar ata të kthehen në Premier Ligë. Ata s’arritën të siguronin një rikthim të menjëhershëm në elitë këtë sezon, pasi u mundën nga Sauthemptoni në finalen e “play off”-it të Championship-it.
Por partneriteti do të shohë kompaninë me bazë në Austri të bëhet sponsori i fanellave të ekipit dhe të blejë një pakicë të aksioneve të klubit. “Red Bull” tashmë zotëron një numër skuadrash futbolli, duke përfshirë RB Lajpcig në Gjermani, Salcburg në Austri dhe Nju Jork Red Bulls në SHBA. Ata gjithashtu zotërojnë kampionët aktualë të botës në Formula 1 “Red Bull Racing” dhe ekipin simotër “Visa Cash App RB”, i njohur më parë si “AlphaTauri”.
Ky është investimi i tyre i parë në futbollin anglez, ndërsa ata do të ndajnë aksione së bashku me grupin e pronarëve të shumicës “49ers Enterprises”.
PANORAMASPORT.AL
