Një person është arrestuar nga policia e Francës, pasi dyshohet se kishte planifikuar një sulm në një stadium futbolli që do të përdoret gjatë Lojërave Olimpike të kësaj vere, raporton BBC.
18-vjeçari me origjinë çeçene u kap në Saint-Etienne më 22 maj, por lajmi është bërë i ditur sot. Referuar burimeve zyrtare thuhet se autoritetet gjetën prova të një sulmi të frymëzuar nga islamistët.
Ministri i Brendshëm Gérard Darmanin vlerësoi shërbimet e inteligjencës, që sipas tij prishën planet një sulm, që kishin synim lojërat olimpike.
Franca është në gatishmëri të lartë në prag të Lojërave Olimpike, të cilat fillojnë më 26 korrik.
Sipas mediave franceze, personi, emri i të cilit nuk është bërë i ditur u kap pasi kishte shkëmbyer mesazhe të koduara me islamikë të njohur.
Fotografitë dhe videot e stadiumit dyshohet se janë gjetur edhe në telefonin dhe kompjuterin e tij.
Ministri Darmanin tha se i dyshuari donte të sulmonte spektatorët dhe forcat e sigurisë në stadiumin Geoffroy-Guichard, stadiumi kryesor i qytetit, ku do të zhvillohen një numër lojërash futbolli.
Ai ishte “i frymëzuar nga ideologjia islamike”, shtoi ministri i Brendshëm.
PANORAMASPORT.AL
