U spekulua vazhdimisht mbrëmë se bomberi i sezonit që lamë pas në Ligën e Parë, Drin Ymeri ishte transferimi më i ri i skuadrës së Malishevës.
Por sipas burimeve të KosovaPress ende nuk ka asgjë zyrtare, madje dy skuadra të tjera nga Superliga e Kosovës janë në garë për shërbimet e tij.
KosovaPress mëson se në garë për ta siguruar nënshkrimin e Drin Ymerit janë Malisheva, Gjilani dhe Suhareka.
Malisheva po bën presion vazhdimisht dhe po i prin garës, por ende nuk ka marrëveshje mes dy palëve.
Drini ishte golashënuesi më i mirë i Ligës së Parë sezonin që lamë pas, duke shënuar plot 21 gola mbi emrin e tij.
Teilen:
